Ikinatuwa ni Solicitor-General Jose Calida ang pag-absuwelto sa kanya ni Justice Secretary Menardo Guevarra sa kasong conflict of interest.
Kaugnay ito sa pagkuha ng Department of Justice sa serbisyo ng security agency ng pamilya ni Calida.
Ayon kay Calida, inaasahan niya na batas at proseso ng bidding ang gagamiting batayan ni Guevarra sa imbestigasyon kaugnay ng pinasok na kontrata ng DOJ sa Vigilante Investigative and Security Agency Incorporated o VISAI.
Una ng nilinaw ng kalihim na ang kontrata sa pagitan ng kagawaran at VISAI ay dumaan sa tamang proseso maging ang isinagawang bidding ay alinsunod sa procurement law at walang conflict of interest dahil ang nanalong bidder ay hindi umano kaanak ng lead implementing agency.
Magugunitang pinuna ng kritiko ng SolGen ang naturang kontrata ng pag-aaring security agency ng kanyang pamilya dahil sa pagiging government official ni Calida.