Isusulong ng National Food Authority o NFA ang pag-aangkat ng 800,000 toneladang bigas para sa unang semester ng taon.
Ayon kay NFA Administrator Jason Laureano Aquino, uunahin nilang angkatin ang 250,000 tons sa pamamagitan ng Government to Government deal upang matiyak na may sapat na imbak na bigas sa panahong kaunti ang ani ng palay sa bansa o mas kilala sa tawag na lean season.
Susundan ito ng pag-aangkat ng 550,000 tons para naman pampuno sa mga nakaimbak sa warehouse ng NFA upang may magamit sa pangangailangan ng butil sa Hulyo hanggang Setyembre.
Aminado si Aquino na sa kanilang monitoring ay may kakulangan ng tatlong araw ang imbentaryo nila sa rice supply sa bansa kaya’t kailangang mag-import.
By: Drew Nacino