Posibleng ilabas na ngayong linggong ito ng Commission on Elections ang opisyal na listahan ng mga kuwalipikadong party list groups sa may 2016 elections.
Ipinabatid ito ni COMELEC Commissioner Christian Lim kasunod nang inaasahang pagresolba rin sa mga nakabinbing petisyon hinggil sa usapin ng party list hanggang bukas, December 1.
Gayunman, sinabi ni Lim na kapag hindi naresolba ang mga kaso hanggang December 5 ay posibleng isali na lamang ang party list groups sa raffle para mabatid ang kanilang slots sa official ballot.
Sa ngayon aniya ay 100 grupo na ang inaprubahan ng COMELEC subalit hindi pa ito naisasdapinal dahil sa pending petitions.
By: Judith Larino