Niyanig ng magnitude 5.2 na lindol ang Occidental Mindoro 10:40 p.m. kagabi.
Ayon sa Philippine Institute of Volcanology and Seismology (PHIVOLCS), natukoy ang sentro ng lindol sa layong 16km bayan ng Abra de Ilog.
Tectonic ang pinagmulan ng pagyanig at may lalim na 111 km.
Naramdaman ang intensity four (4) sa Abra de Ilog sa Occidental Mindoro, Puerto Galera sa Oriental Mindoro habang intensity two (2) naman ang naitala sa Pasig City at Quezon City.
Samantala, nakapagtala rin ang PHIVOLCS ng instrumental intensities kabilang ang intensity four (4) sa Calatagan, Batangas at Puerto Galera.
Intensity three (3) sa Calapan, Oriental Mindoro, Bacoor, Cavite, Las Piñas City, Muntinlupa City, San Jose sa Occidental Mindoro at Olongapo City.
Intensity one naman sa Gumaca sa Quezon, Marikina City, San Juan City, Quezon City, San Ildefonso at Malolos sa Bulacan at Guagua sa Pampanga.
Wala namang napaulat na napinsala sa naturang pagyanig ngunit inaasahan naman ang aftershocks.
