Pinagana na ng National Disaster Risk Reduction and Management Council o NDRRMC ang lahat ng kanilang air at land asset para sa mas mabilis na pagresponde sa anumang uri ng emergency sa oras na manalasa na ang Bagyong Nina.
Ipinabatid din ni NDRRMC Spokesperson Mina Marasigan na pinakilos na ng Office of Civil Defense ang kanilang Rapid Emergency Telecommunication Team upang matiyak na tuluy-tuloy ang linya ng komunikasyon sa panahon ng pananalasa ng bagyo.
Ayon pa kay Marasigan, nakausap na ng DILG at DSWD ang mga lokal na pamahalaan sa mga lugar na tatamaan ng bagyo para ihanda ang mga relief goods.
Bukod dito, mayroon na rin aniyang nakahandang ayuda sa mga aabutan ng pasko sa mga pantalan at evacuation center.
By: Meann Tanbio / Jonathan Andal