Nabawi ng militar sa Marawi City palaki na ng palaki

Inihayag ng AFP o Armed Forces of the Philippines na paliit na ng paliit ang mundong ginagalawan ngayon ng Maute Terror Group na kumubkob sa Marawi City.

Ayon kay Lt/Col. Jo-Ar Herrera, tagapagsalita ng AFP Joint Task Force Marawi, halos nasa 100 bahay at gusali na pangunahing pinupuwestuhan ng mga terorista ang nalinis na ng militar nitong weekend.

Limampu’t pito sa mga ito ayon kay Herrera ang napasok ng militar nuon lamang araw ng linggo ngunit aminado ang opisyal na pahirapan pa rin ang clearing operations dahil sa mga nakatanim na bomba na iniwan ng mga terorista.

Gayunman, tiniyak ni Herrera na patuloy ang kanilang pag-abante patungo sa sentro ng lungga ng mga terorista hanggang sa tuluyan na nilang maparalisa at madurog ang puwersa nito.

By: Jaymark Dagala / Jonathan Andal

Comments

comments