Nagpalabas na ng schedule ang Metro Rail Transit Line 3 (MRT-3) para sa Semana Santa.
Batay sa abiso, mananatiling normal ang operasyon ng MRT-3 Lunes hanggang Martes Santo o March 26 hanggang 27.
Tigil operasyon naman ang MRT pagsapit ng Miyerkules Santo hanggang Linggo ng Pagkabuhay o March 28 o hanggang April 1.
Sa mga nabanggit na araw ay magsasagawa ng maintenance activities ang MRT-3 sa kanilang mga tren at iba pang pasilidad.
Muli namang magbabalik sa normal ang operasyon ng MRT-3 sa Abril 2.
—-
