Muling naperhuwisyo ang daan-daang mga pasahero ng Metro Rail Transit o MRT line 3.
Ito’y makaraang pumalya ang signaling system ng nasabing tren partikular na sa pagitan ng Quezon Avenue at GMA Kamuning station.
Dahil dito, nagpatupad ng provisional operation ang MRT line 3 mula Shaw Blvd. hanggang Taft Avenue at pabalik.
Nagsimula ang nasabing aberya dakong ala-1:00 ng hapon at tumagal ang provisional operation nito ng dalawa hanggang tatlong oras.
Wala namang paliwanag hinggil dito ang pamunuan ng MRT line 3 ngunit nauna nang tiniyak ng Department of Transportation na kanilang isasaayos ang mga aberya sa tren bago matapos ang taong ito.
By: Jaymark Dagala / Allan Francisco