Daan-daang trabahador ng ng DMCI ang nagtipon sa labas ng construction site ng Torre de Manila para ireklamo ang kabiguan ng kumpanya na abisuhan sila ukol sa pasya ng korte.
Ito ay makaraang magpalabas ng Temporary Restraining Order (TRO) ang korte kahapon para pansamantalang ipatigil ang konstruksyon ng tinaguriang photobomber ng bantayog ni Dr. Jose rizal.
Problema ngayon ng mga trabahador ang polisiyang no work no pay ng kumpanya na pinangangambahan nilang iiral sa gitna ng suspensyon ng itinatayong gusali.
Hiling din ng mga trabahador na makapasok sila sa Torre de Manila upang makuha ang kanilang mga naiwang gamit at makahanap ng ibang trabaho habang suspendido ang proyekto.
By Ralph Obina