Patay ang siyam na rebelde at isang sundalo ang sugatan sa engkuwentro ng magkabilang panig sa Brgy Burgos sa Carranglan, Nueva Ecija.
Sinabi ni Lt Col Isagani Nato, spokesman ng Northern Luzon Command na tumagal ng mahigit dalawang oras ang putukan ng dalawang grupo kung saan napatay si NPA Leader Joel Manangan Alias Ka Razul na nag o ooperate sa Nueva Ecija, Nueva Vizcaya at Pangasinan.
Ayon sa mga otoridad nagsumbong ang mga residente ng Brgy Burgos sa presensya ng mga armadong lalaki at pag responde ng mga tauhan ng 84th infantry battalion ay nagka putukan na ang magkabilang panig.
Narekober sa pinangyarihan ng sagupaan ang siyam na matataas na kalibre ng baril tulad ng AK47, M16, M14 at isang grenade launcher bukod pa sa ilang backpack na naglalaman ng mga subersibong dokumento.
Ulat ni Jonathan Andal