Lilimitahan lamang sa 30% ang kapasidad para sa pagpapapasok ng mga dadalaw sa mga sementeryo sa Metro Manila bago at pagkatapos ng Undas.
Ito ang inihayag ni Metro Manila Council Chairman at Parañaque Mayor Edwin Olivarez matapos ianunsyo ang pagsasara ng mga sementeryo sa kalakhang Maynila sa Undas.
Inaasahan kasi aniya ang pagtungo ng publiko sa mga sementeryo para makadalaw sa kanilang mga mahal sa buhay bago o pagkatapos isara ang sementeryo sa Undas.
Dahil dito kailangan pa rin umanong lagyan ng limitasyon ang papayagang makapasok sa mga sementeryo upang maiwasan pa rin ang pagkalat ng coronavirus disease 2019 (COVID-19).