Natukoy na ng pulisya ang mga miyembro ng fraternity na nasa likod ng insident ng hazing sa isang criminology student sa Laguna.
Ayon kay San Pablo City Police Chief Lt. Col. Eliseo Bernales, nakakuha na sila ng listahan ng mga miyembro ng fraternity bagama’t hindi pa aniya ito pwedeng isapubliko.
Tiniyak pa ni Bernales na agad nilang sasampahan ng kaso ang mga sangkot sa hazing incident oras na makuha na nila ang buong pangalan ng mga ito.
Magugunitang, isinugod sa Chinese General Hospital ang criminology student ng Laguna State Polytechnic University na si Jonathan Concordia, matapos himatayin habang nasa gym.
Ayon sa doktor na tumingin kay Concordia, na-stroke ang biktima dahil sa blood clot sa kanyang ulo habang nakitaan rin ng hematoma ang mga hita nito na posibleng dulot ng pag-paddle.