Nakapagtala ang Department Of Foreign Affairs (DFA) ng karagdagang 6 na bagong kaso ng mga Filipinong nasa ibang bansa na nahawaan ng coronavirus disease 2019 (COVID-19).
Dahil dito, umakyat na sa 10,041 ang kabuuang bilang ng mga Filipinong nasa ibang bansa na na-infect ng COVID-19.
Mula sa nabanggit na bilang 3,219 pa ang patuloy na ginagamot, 6,080 ang gumaling na habang nananatili sa 742 ang mga nasawi.
Ayon sa DFA, apat ang napaulat na karagdagang recoveries habang wala namang nadagdag na nasawi dahil sa COVID-19.
Sinabi ng ahensiya, ito na ang ikatlong sunod na araw na walang naitatalang bagong kaso ng pagkasawi dahil sa COVID-19 mula sa mga Filipinong nasa ibang bansa.