Naka alerto na ang lahat ng ospital ng gobyerno sa ibat ibang panig ng bansa sa lahat ng uri ng emergency sa pagsalubong sa Bagong Taon.
Tiniyak ng Department of Health na kumpleto ang doktor at mga gamit ang mga ospital upang matugunan ang mga posibleng pagdagsa ng mga pasyente.
Gayunman, inulit pa rin ng DOH ang kanilang panawagan na gumamit na lamang ng alternatibong pampaingay sa pagsalubong sa bagong taon at huwag gumamit ng malalakas na paputok upang makaiwas sa disgrasya.
By: Len Aguirre