Handa ang mga hotel at airline company na wag nang manigil ng rebooking at cancellation fee sa mga turistang nakapag-book na ng biyahe at kwarto sa Boracay.
Sa isang panayam sinabi ni Tourism Secretary Wanda Teo na nakausap na niya ang mga airline at hotel company at sinabi ng mga ito na ibibigay ng buo ang ibiniyad ng mga turista kung gusto ng refund.
Bagama’t wala nang papapasuking turista sa Boracay mula Abril 26, hindi naman paaalisin ang mga turistang naroon na ngayon at hahayaan ang mga ito na tapusin ang kanilang bakasyon.
Tiniyak naman ni Teo na mabibigyan ng pera at trabaho ang mga manggagawa sa Boracay na maapektuhan ng pagsasara ng isla.