Nakatakdang inspeksyunin ni Davao City Mayor Sara Duterte – Carpio ang lahat ng mga gusali sa kanilang lungsod.
Ito’y para tiyaking nasa ligtas na kundisyon ang lahat ng mga gusali sa Davao City matapos tamaan ng sunudsunod at malalakas na pagyanig nuong isang linggo.
Kasunod nito, inatasan din ng alkalde ang pamunuan ng mga paaralan sa lungsod na magkasa ng regular na fire at earthquake drill isang beses kada buwan.
Inanunsyo rin ng alkalde na magbabalik normal na ang klase sa mga paaralan sa lungsod sa darating na araw ng martes, Nobyembre 5.