Dapat magpaliwanag sa isyu ng mining permits at mga dati at kasalukuyang opisyal ng DENR o Department of Environment and Natural Resources.
Iginiit ito ni Congressman Robert Ace Barbers matapos sisihin si Environment Secretary Gina Lopez na maimbestigahan ang posibleng accountability ng mga dati at kasalukuyang opisyal ng ahensya na naglabas ng permit sa mining companies na nag operate malapit sa watersheds.
Sinabi ni Barbers na hindi lamang mining firms ang dapat sisihin ni Lopez kundi tingnan ang liability ng mga dating opisyal ng DENR tulad ni dating DENR Secretary Ramon Paje at dating Mines and Geosciences Bureau Chief Leo Jasareno.
Magugunitang ipinasara ni Lopez ang 23 minahan at sinuspindi ang limang iba pa habang kinansela ang 75 kontrata ng mining companies.
By : Judith Larino