Umapela ng tulong ang ilang residente ng San Jose del Monte Bulacan na biktima ng pagsabog ng water tank sa kanilang lugar.
Ayon sa isang panayam kay Celito Bulanadi isa sa mga biktima, bukod aniya sa mga natanggap nilang relief goods mula sa local government authorities ay wala na silang natanggap pa na tulong mula sa SJDM Bulacan Water District.
Dagdag pa ni Bulanadi wala rin aniya ni isang dumalaw para tingnan ang kanilang kalagayan at kung anoman ang maaari pa nilang gawin para makatulong.
Ayon naman kay James Garcia kung saan kabilang sa apat na nasawi ang kaniyang ama, wala pa silang natatanggap na financial assistance sa water district.
Hiling lamang ni Garcia ang kahit sana ay mabigyan ng maayos na libing ang kaniyang ama.
—-