Hindi isasapubliko ni Senador Miriam Defensor-Santiago ang kanyang medical records.
Ang pahayag ay ginawa ni Santiago kasunod ng hamon ni University of the Philippines Center for Women’s Studies Director Sylvia Estrada-Claudio na ilabas ng mambabatas ang medical records nito upang mapatunayang kakayanin nito ang trabaho ng isang Pangulo ng bansa sa sandaling manalo sa 2016 Presidential elections.
Iginiit ni Santiago ang kanyang “right to privacy” sa naturang usapin.
Pero, sinabi ng Senadora na maaari namang magtungo si Claudio sa St. Luke’s Medical Center sa Global City para kunin ang kanyang medical records.
Muli namang ipinaalala ni Santiago na mayroong sinusunod na protocol ang pagamutan na may kinalaman sa relasyon sa pagitan ng manggagamot at ng pasyente.
By Meann Tanbio