Mariing itinanggi ngayon ni Matteo Guidicelli na buntis ang kanyang kasintahan ni Sarah Geronimo.
Ito ay matapos na maging emosyonal si Sarah sa concert nito sa Las Vegas at makailang ulit na sinabing “pagod po ako” sa kanyang mga fans.
Dahil dito, haka-haka ng ilan na nagdadalantao ang pop star princess pero agad na itinanggi ni Matteo at sinabing hindi totoo.
Ayon kay Matteo, nasa maayos na sitwasyon na si Sarah at kinailangan lang umano nito ng break sa lahat ng bagay lalo na sa kanyang career lalo pa’t hindi umano natatapos ang mga proyekto nito.
Depensa pa ni Matteo, lahat naman ng tao ay napapagod din at hindi naman aniya superhero ang kanyang girlfriend na si Sarah.