Pumalo na sa 65 ang bilang ng mga nasawi habang mahigit 190 ang sugatan sa 3 araw nang marahas na kilos protesta laban sa kurapsyon sa Iraq.
Batay sa ulat, mismong mga Iraqi police ang tumatarget sa mga nagkikilos protesta partikular na ang mga sumusugod sa Provincial Government Headquarters sa Diwaniya City.
Kasunod nito, nananawagan si Iraqi Prime Minister Adel Abdul Mahdi sa mga raliyista na maging kalmado.
Samantala, isinisisi naman ng pinakama-impluwensiyang religious leader sa Iraq ang kaguluhan sa kabiguan ng mga politiko na pagandahin ang mga kabuhayan ng mga Iraqi.
Ito na ang pinakabayolenteng pangyayari sa Iraq, dalawang taon matapos ang pag-aaklas ng Islamic State.