Umaasa ang Malakanyang na sana ay ligtas ang paglalakbay ng grupo ng mga kabataang nagtungo sa mga isla sa West Philippine Sea.
Ito ay matapos hindi mapigilan ang grupong pinamunuan ni Dating Marine Captain Nicanor Faeldon na maglayag sa kabila ng makailang ulat na pakiusap ng Armed Forces of the Philippines.
Sinabi ni Presidential Communications Secretary Sonny Coloma, susubaybayan nila ang pagkilos ng grupo ng mga Kabataan at bibigyan ng tulong kung kakailanganin.
Layon ng biyahe ng grupo ni Faeldon na umapak sa mga pinag-aagawang teritoryo sa West Philippine Sea para ipakita ang suporta sa gobyerno sa paghahabol sa teritoryo na unti unting inaangkin ng China.
By: Aileen Taliping (patrol 23)