Dismiyado ang Malakanyang sa naganap na rambulan sa FIBA World Cup Asian Qualifiers sa pagitan ng Gilas Pilipinas at Australian Boomers.
Ayon kay Presidential Spokesperson Harry Roque, hindi na dapat humantong sa matinding kaguluhan ang laban ng dalawang koponan kung naawat at agad na tinawagan ng foul ng mga referee ang paniniko ng isang player Australian Boomer.
Dagdag pa ni Roque, hindi sa ipinagtatanggol niya ang Gilas Pilipinas pero marahil aniya ay hindi na napigilan ng mga ito ang kanilang mga emosyon sa tila walang paggalang na galaw ng kalabang koponan.
Sa kabila nito, umaasa naman aniya ang palasyo na hindi na mauulit pa ang katulad na kaguluhan sa iba pang laban sa basketball ng koponan ng Pilipinas.