Muling binigyang diin ng Malakaniyang ang pagnanais ni Pangulong Duterte na matiyak na hindi maiiwanan ang mga taga-Mindanao sa pag-unlad at maibalik sa kanila ang normal na pamumuhay.
Ito’y ayon kay Presidential Communications Secretary Martin Andanar makaraang aprubahan ng kongreso ang pagpapalawig sa umiiral na batas militar sa rehiyon.
Ayon kay Andanar, mismong ang kaniyang kababayan sa Mindanao ang naghahayag ng kanilang suporta sa Martial Law dahil sa katiwasayang dulot aniya nito sa kanilang pamumuhay.