Usap – usapan ngayon ang open letter na ibinahagi ng Dubsmash Queen na si Maine Mendoza sa kanyang social media.
Sa nasabing sulat, inilahad ni Maine ang kanyang saloobin at mensahe para sa fans nila ng ka – love team niyang si Alden Richards kasama na ang kanyang lubos na pagpapasalamat sa kanilang suporta lalo na noong nag – uumpisa pa lamang siya sa showbiz.
Ang open letter din ang ginawang daan ni Maine upang sabihin ang matagal na niyang gustong ipahayag sa ilang fans, kung saan isa sa kaniyang hiling na sana ay mabigyan ng respeto ang mga kaibigan at katrabaho nila.
Nilinaw din ni Maine sa sulat na magkaibigan lamang sila ni Jake Ejercito sa gitna ng isyu na nililigawan siya nito.
I got myself, I will catch myself, and I will pick myself up pic.twitter.com/VoU5kFuReQ
— Maine Mendoza (@mainedcm) November 26, 2017