Tinanggal sa puwesto ng Bureau of Corrections (BuCor) ang mahigit 300 na mga tauhan ng maximum compound ng New Bilibid Prison (NBP).
Ayon kay Atty. Wena fe Dalagan, tagapagsalita ni BuCor Director General Gerald Bantag, bahagi ito ng malawakang balasahan bunsod na rin ng bagong pamunuan sa ahensiya.
Layunin din aniya nito na malinis ang hanay ng BuCor kasunod na rin ng mga lumabas na umano’y iregularidad sa NBP tulad ng operasyon ng iligal na droga at kontrobersiya sa Good Conduct Time Allowance (GCTA) law.
Dagdag ni Dalagan sasailalim sa assessment at validation ang mga tinanggal na BuCor personnel at lahat ng mapatunayang sangkot sa mga iregularidad ay agad na sasampahan ng kaso.