Nananatili sa ipinasang draft ng Bangsamoro Basic Law (BBL) ang mga probisyon na puwedeng gamitin ng MILF o Moro Islamic Liberation Front para magdeklara ng independence.
Iginiit ito ni Zamboanga City Cong. Celso Lobregat makaraang ipasa ng Ad Hoc Committee on the Bangsamoro ang mga drafts ng BBL.
Tinukoy ni Lobregat ang mga katagang ginamit sa BBL na puwedeng magamit para magsarili ang MILF gayundin ang probisyon na nagsasabi na puwedeng magsagawa ng plebisito ang mga katabing lugar ng bagong Bangsamoro Entity para mapasama sa bagong masasakop na lugar basta’t may 10 percent ng registered voters.
Ngayong hapon inaasahang pagbobotohan na ng komite sa kabuuan ang BBL upang maisalang ito sa plenaryo sa susunod na linggo.
“Actually saan-saan kami pumunta sa buong consultation namin, talaga yung area outside of the Bangsamoro, that is the very very serious concern, sabi nila dapat tanggalin yan, dapat isang plebisito lang, eh yung Peace Council mismo, ang isang rekomendasyon nila ay tanggalin daw ang kondisyon na yan, eh binalik eh.” Pahayag ni Lobregat.
By Len Aguirre | Kasangga Mo Ang Langit