Nagkaloob na ng libreng sakay para sa mga commuters ang mga Local Government Units (LGUs), Philippine National Police (PNP) at ilang ahensya ng gobyerno kasabay ng ikinakasang malawakang tigil-pasada ng transport groups bilang pagtutol sa planong modernisasyon ng gobyerno sa mga public utility vehicles.
Kabilang sa mga nag-anunsiyo ng libreng sakay ang Pamahalaan ng Taguig City mula 6 a.m. hanggang 9 a.m. at 3 p.m. hanggang 7 p.m. sa mga sumusunod na ruta:
- Bagumbayan to Pasig
- Tipas to Pasig
- FTI to Market Market
- Waterfun to Market Market
- DOST to East Service Road
- Gate 3 to Market Market
Ang pickup at drop-off points naman para sa mga nabanggit na ruta ay sa:
- Arca South
- C5 Water Fun
- Gate 3
- Bagumbayan
- DOST
- Tipas/Napindan
- Sta. Ana
- Tenement
- Tanyag
Samantala, nagdeploy na rin ng transport trucks at fire engines ang Manila Disaster Risk Reduction Management Office (MDRRMO) bilang ayuda sa mga pasaherong apektado ng tigil-pasada.
#LibrengSakay: @ManilaDRRMO, nag-deploy ng transport trucks at fire engines para sa libreng sakay sa mga pasahero sa Maynila kasabay ng ikinakasang nationwide transport strike | via @ManilaPIO pic.twitter.com/SEmothvZzN
— DWIZ Newscenter (@dwiz882) September 30, 2019
Nag-alok din ng libreng motorcycle rides ang pulisya mula sa Manila Police District (MPD).
#LibrengSakay: Nag-alok na rin ng libreng motorcycle rides ang MPD Station 11 para sa mga mananakay na apektado ng nationwide transport strike. | via @ManilaPIOpic.twitter.com/RTg5tQRbRF — DWIZ Newscenter (@dwiz882) September 30, 2019
Nagpaabot na rin ng libreng sakay sa Marikina City at Quezon City.
Nagdeploy naman ng mga karagdagang buses ang Land Transportation Franchising and Regulatory Board (LTFRB), InterAgency Council for Traffic, Metropolitan Manila Development Authority (MMDA), PNP-Highway Patrol Group at ilan pang LGUs sa Monumento, Taft Avenue, Quezon Avenue, Guadalupe, at ilang bahagi ng Baclaran.
Mayroon ding idineploy na ‘Libreng Sakay’ bus sa ilang ruta sa Region 3:
- Angeles-San Fernando
- San Fernando-Macabebe
- SM Pampanga-Lubao
#LibrengSakay: LTFRB sa Region 3, nagdeploy na rin ng ‘Libreng Sakay Buses’ sa kahabaan ng ruta ng Angeles-San Fernando | via @DOTrPH pic.twitter.com/xvvxBgNqb3
— DWIZ Newscenter (@dwiz882) September 30, 2019