Hiniling ng Commission on Higher Education (CHED) sa National Telecommunications Commission (NTC) na maglaan ng libreng internet access sa online educational resources.
Ang kahilingan ng CHED ay nakapaloob sa ika-walong report ng Pangulong Rodrigo Duterte sa kongreso kaugnay sa pagpapatupad ng Bayanihan to Act as One Law.
Layon ng kahilingan ng CHED na matulungan ang nasa 3-milyong college students na makapaghanda sa flexible learning method na syang magiging new normal sa pasukan.
Pinag-aaralan na rin ng CHED ang information technology infrastructure ng mga colleges at universities upang matantya kung gaano sila kahanda sa online learning pagdating sa internet connectivity.
