Pinakikilos ng Department of the Interior and Local Government (DILG) ang bawat lokal na pamahalaan kung paano makagawa ng bicycle road network.
Ito’y kaugnay sa rekumendasyon ng Inter-Agency Task Force on Emerging Infectious Disease (IATF) hinggil sa paglalagay ng bike lanes sa lahat ng kalsada.
Ayon kay DILG Sec. Eduardo Año, layunin nito na suportahan ang mga nagnanais magbisikleta papasok sa kanilang treabaho dahil sa limitadong public transport sa ilalim ng general community quarantine (GCQ).
Pinatitiyak din ni Año sa mga local chief executive na dapat walang makasasagabal sa mga bike lanes para maiwasan ang anumang aksidente ngayong nasa gitna pa rin ang bansa ng pandemya sa coronavirus disease 2019 (COVID-19).