Pinag-aaralan pa ng Philippine Institute of Volcanology and Seismology PHIVOLCS ang kalagayan ng bulkang Mayon, ilang buwan matapos ibaba sa alert level 2 ang estado nito.
Sinabi ni PHIVOLCS Director Renato Solidum na premature pa ang pagbaba ng alert level ng Mayon Volcano dahil may posibilidad pa rin ng phreatic eruption.
Patuloy din aniya ang assessment sa mga parameter na binabantayan ng ahensya.
Samantala, kinumpirma ni Solidum ang patuloy na pagbaba ng trend ng bulkang Mayon at walang banta ng magmatic eruption subalit iginiit na mapanganib pa rin ang pagpasok sa 6-kilometer permanent danger zone.
—-