Nilinaw ng Department of Transportation na peke ang mga kumakalat na joint advisory ng AFP, PNP at LTO sa social media.
Ayon sa DOTR, walang inilalabas na gayung kautusan ang lto at kasalukuyang inaalam na rin ng mga kinauukulang ahensya kung sino ang nagpakalat nito.
Nakasaad sa naturang advisory na simula umano sa Hulyo a-primero, papatawan na ng multa ang sinumang lalabag sa Republic Act 4136 o Land Transportation Rules and Regulations.
Dagdag pa ng DOTR, wala ring ipinasang batas ang kongreso na Muffler Modification Act of 2016 na ayon sa viral advisory ay pinapatawan ng 5,0000 Pisong multa.
Kaya payo ng DOTR sa publiko, maniwala lamang sa mga mapagkakatiwalaang source tulad ng kanilang official social media account gayundin sa mga lehitimong media o news sites.