Inihahanda na ng Kamara ang magiging detention chamber o kulungan para kay Ilocos Norte Governor Imee Marcos.
Ito ay ayon kay Congressman Johnny Pimentel, sakaling hindi pa rin dumalo si Marcos sa pagdinig ng House Good Government Committee hinggil sa ma-anomalyang paggamit sa 66 million pesos na pondo ng lalawigan.
Ayon kay Pimentel, oras na hindi sumunod si Marcos sa kanilang ipinadalang subpoena at show cause order ay agad silang magpapalabas ng warrant of arrest upang idetine ang gobernadora.
Magugunitang nauna nang ikinulong ang anim (6) na opisyal ng Ilocos Norte provincial government sa Kamara matapos na tumangging sumagot sa ilang katanungan ng mga kongresista sa mga nakaraang pagdinig.
By Krista De Dios | With Report from Jill Resontoc