Muling nagsauli ng pera si casino junket operator Kim Wong sa Anti-Money Laundering Council (AMLC) at Bangko Sentral ng Pilipinas (BSP) na umaabot sa P250-million pesos.
Ang naturang halaga ay balanse sa P450 million pesos na naipangako ni Wong na kanyang isosoli.
Ang nasabing halaga ay ibinayad sa kanya ni Gau Shuhua.
Una nang ibinulgar ni Wong na si Gau Shuhua at Ding Zhize ang umano’y nagpasok ng pera sa bansa.
Ito na ang ika-apat na pagkakataon na nagsoli ng pera si Wong bilang bahagi ng pagsisikap na mabawi ang ninakaw na 81 million dollar mula sa Bangladesh Bank.
By Meann Tanbio | Cely Bueno (Patrol 19)