Wala umanong anumang hakbang sa Kamara para patalsikin si House Speaker Alan Peter Cayetano.
Ito ayon kay House Committee on Dangerous Drugs Chair Robert Ace Barbers ay sa gitna ng mga aberya sa paghahanda sa 30th SEA Games.
Sinabi ni Barbers na sa ngayon ay tuluy-tuloy ang commitment ng mga kongresista at sa tingin niya ay tuloy pa rin ang usapang lalaki hinggil sa term sharing sa pagitan nina Cayetano at Marinduque Representative Lord Allan Velasco.
Nilinaw naman ni Barbers na natural lamang sa paghohost ng isang bansa sa isang sporting event na magkaroon ng hindi pagkakaunawaan at walang organizing committee ang hindi dumaan sa anumang glitches.
Sa kabila nito ay posible aniyang magkaroon ng imbestigasyon ang Kamara hinggil sa pagpapakalat ng fake news hinggil sa SEA Games.