Pumalo na sa mahigit 6.5 milyon ang kabuuang kaso ng coronavirus disease 2019 (COVID-19) sa buong mundo.
Batay sa ulat, mula sa nabanggit na bilang, mahigit 387,000 katao na ang nasawi habang higit 2.8 milyon na ang nakarekober mula sa sakit.
Samantala, nananatili pa rin ang Estados Unidos bilang nangungunang bansa na pinakamatinding tinamaan ng COVID-19 kung saan mahigit 1.8 milyon na ang kaso at mahigit 100,000 nasawi.
Sinundan ito ng Brazil na nakapagtala na ng mahigit 580,000 libong kaso ng COVID-19 kung saan umaabot na sa mahigit 32,000 ang nasawi.
Ikatlo ang Great Britain na meron nang mahigit 280,000 kaso at halos apatnapung libong death toll.
Italy na mayroong higit 230,000 kaso ng COVID-19 kung saan higit 33,000 na ang namatay.
At ikalima ang France na mayroon nang 189,000 kaso at mahigit 29,000 pagkasawi.