Ang bisyo, pinagdaraaan lang, hindi tinatambayan.
Ito ang payo ng beteranong aktor na si John Regala kay Baron Geisler na kadalasang ikinukumpara sa kanya.
Sinabi ni John na madalas din siyang makipagbasag-ulo noong kabataan niya ngunit para lamang daw ipagtanggol ang kanyang sarili.
Dagdag pa ni John, may bisyo rin daw siya dati at may mabigat na pasanin sa buhay noon.
Kaya naiintindihan niya ang maaaring pinagdaraanan ni Baron at huwag daw sana agad na husgahan ang bata.
Ngunit paalala niya sa batang aktor, nasa kanya pa rin ang pagkakataong magbago.
Muli na namang lumabas sa mga balita ang pinakahuling pakikipag-away ni Baron.
By: Avee Devierte