Dinukot ng mga hinihinalang miyembro ng NPA o New People’s Army ang isang sundalong miyembro ng 30th infantry batallion sa bayan ng Alegria Surigado del Norte.
Ayon kay Brig. Gen. Restituto Padilla, pauwi ng Barangay Budingin sa bayan ng Alegria ang biktimang si Private First Class Erwin Salan kasama ang mga youth volunteers mula sa paglilinis ng Lumondo falls nang kunin ito ng mga rebelde.
Sinabi ni Padilla na wala pang malinaw na motibo sa pagdukot kay Salan subalit may hinala sila na kagagawan ito ng sandatahan yunit pampropaganda-lumad ng front committee 16 ng North Eastern Mindanao Regional Committee na pinamumunuan ni Florencio llano alias Ricky.
By Len Aguirre