Kasalukuyan nang nasa proseso ang AFP o Armed Forces of the Philippines sa pagkilala sa dalawang narekober nilang bangkay sa battle zone sa Marawi City nuong weekend.
Sa panayam ng programang “Balita Na, Serbisyo Pa” kay Lt/Gen. Carlito Galvez, commanding general ng WESTMINCOM o Western Mindanao Command, maliban sa mga bangkay, may natagpuan din silang mga matataas na kalibre ng baril, libu-libong bala at mga pampasabog sa lugar.
Kaya’t malaki ang kanilang paniniwala na ang dalawang bangkay na natagpuan ay isang sniper at isang bomb expert.
Aminado rin si Galvez na pahirapan din ang kanilang pagpulbos sa mga terorista dahil sa impormasyong ginagamit na umano ang mga bihag para ipambala sa tropa ng pamahalaan.
By: Jaymark Dagala / Jonathan Andal
Isang sniper at bomb expert hinihinalang narekober sa battle ground sa Marawi nuong weekend – AFP was last modified: June 27th, 2017 by DWIZ 882