Kinasuhan ng tax evasion ng BIR o Bureau of Internal Revenue sa Department of Justice (DOJ) ang isang retail company at restaurant operator dahil sa bigong pagbabayad ng buwis na nagkakahalaga ng halos P56-M.
Ayon sa BIR, mahigit P7-M ang hindi nabayarang buwis ng Rising Giant Commercial Corporation at pangulo nitong si Francisco Chiang noong 2006.
Ang nasabing kumpanya na retailer ng pagkain, inumin at tabako ay naka base sa Cainta, Rizal.
Samantalang P48.16-M naman ang kabuuang utang sa buwis ng RMCN Seafood and Steak Incorporated at pangulo nitong si Raymund Magdaluyo noong 2006.
Sinabi ng BIR na binalewala ng mga nasabing kumpanya ang mga ipinadalang notice sa kanila para magbayad ng utang sa buwis.
By Judith Larino |With Report from Bert Mozo
