Isang isla sa Basilan ang iminungkahi ng Western Mindanao Command (WestMinCom) ng Armed Forces of the Philippines (AFP) na gawing isolation area para sa mga Pilipinong umuuwi galing ng Malaysia.
Ayon kay Western Mindanao Command Spokesman Arvin Encinas, tinatayang 200 katao na sakay ng mga barko ang hindi pinapayagang makapasok sa kahit anong bahagi ng Western Mindanao.
Nasa 100 tents anya ang plano nilang ilagay sa isla at maglalaan rin sila ng pagkain at tubig.
Samantala, pag-aaralan umano ng Department of Health (DOH) ang panukala ng WestMinCom.
Inihahanda na rin ng DOH ang medical screening na dapat isagawa sa mga istranded na pasahero.