Isang high school teacher sa Quezon City ang arestado kasama ang dalawang iba pa matapos maaktuhang gumagamit ng shabu sa kanyang bahay.
Ayon kay Supt. Rossel Cejas, hepe ng Quezon City Police District Station 6, nakatanggap sila ng tip mula sa isang kapitbahay hinggil sa iligal na aktibidad sa bahay ng hindi pinangalanang guro.
Narekober anya mula sa bahay ang pitong sachet ng shabu at iba’t ibang drug paraphernalia.
Kinilala naman ang isa sa dalawang kasama ng teacher na si Jhelmar Franco, isa umanong drug pusher na kabilang sa watch list ng QCPD.
SMW: RPE