Patay sa airstrike ng Estados Unidos ang Islamic State leader na si Abu Muhammad Al-Adnani.
Ito ang kinumpirma ng Pentagon matapos ilunsad ang pag-atake sa Syria noong Agosto 30 kung saan pangunahing target ng airstrike ang naturang IS leader.
Ayon kay Pentagon Press Secretary Peter Cook, ang pagkakapatay kay Adnani ay isa anila sa mga matagumpay na operasyon ng Amerika at mga kaalyadong bansa nito kontra ISIS.
Maliban sa pagiging recruiter, si Adnani ay tinagurian ding bilang arkitekto ng panlabas na terrorist operation ng ISIS.
By Ralph Obina
Photo Credit: AFP