Nakatanggap ng ulat ang pamahalaan kaugnay ng mga nakapasok at presensya ng mga umano’y foreign terrorist sa Katimugang bahagi ng Mindanao.
Ayon kay Defense Secretary Delfin Lorenzana, patuloy pa ang kanilang pagberipika sa nasabing intelligence report mula sa Indonesia at Malaysia.
Sinabi naman ni Philippine Army Chief Major General Rolando Bautista, hindi pa nila matukoy kung ano ang posibleng papel ng mga nasabing dayuhang terorista sa nalalabing puwersa ng mga lokal na terrorist group sa bansa.
Kasunod na rin ito ng pagkakapulbos sa mga beteranong foreign terrorists ng Maute-ISIS Group sa Marawi City.
—-