Posibleng isang kaso lamang ng misunderstanding ang inihaing kaso ng DILG laban kay Olongapo City Mayor Rolen Paulino.
Inamin ni Mayor Paulino na naglabas sya ng executive order kung saan pinapayagang umangkas ang miyembro ng pamilya sa motorsiklo hindi rin naman ito ipinatupad.
Binawi rin naman aniya ito matapos ipa alala sa kanya na labag sa quarantine rules ang pag-angkas sa motorsiklo.
Gayunman, tiniyak ng batang alkalde na handa naman syang harapin at sagutin ang kasong isinampa laban sa kanya ng DILG.
Kahit isa wala kaming pinayagan doon sa mga ano, ang papayagan lang talaga namin na iangkas dapat kasama sa bahay so, actually parang kukuha pa sila ng pass or ID sa amin bago yun, doon nakalagay kung sino lang pwede nilang iangkas tapos actually kayang-kaya namin i-regulate talaga yan kung sakali. So, dapat ipo-proseso palang namin yun so, talagang hindi nakaabot sa punta na may naka-angkas dahil sa inisyu namin,” ani Paulino.
Samantala, ipinagmalaki ni Mayor Paulino na mag-iisang buwan na silang walang bagong kaso ng covid 19.
Ako, medyo proud ako sa mga kasama ko dito sa city kasi hindi basta-basta ‘tong (COVID-19 pandemic) na ito, achievement pa rin ito. Napakadesiplinado ng mga taga-Olongapo kaya nga ako ay hindi kinakabahan kapag may mga ini-implement kami ng mga kailangan measures,” ani Paulino. — panayam mula sa Ratsada Balita.