Naniniwala ang mga eksperto na imposibleng mangyari ang non-interference policy sa ASEAN o Association of Southeast Asian Nations ng mga bansang hindi miyembro nito.
Sinabi ni Dating National Security Adviser Roilo Golez na hindi mapipigilan ng Pilipinas ang mga malalaking bansa gaya ng Estados Unidos at China, na makisali sa mga pagpupupulong kung saan kalahok din ang ASEAN members.
Ayon kay Golez, kabilang sa mga pagpupulong na maaaring daluhan ng mga malalaking bansa ay ang Asean Regional Forum, ASEAN +3, ASEAN +6, at East Asia Summit.
Para naman kay Dating Undersecretary for Defense Affairs Antonio Santos, nanatiling watak-watak ang ASEAN at nakabase lamang sa sarili nitong mga interes kaya imposibleng matanggihan ang pangingialam ng iba pang bansa.
By: Meann Tanbio / Allan Francisco