Nakatakdang sampahan ng kasong impeachment ng grupong VACC o Volunteers Against Crime and Corrpution si Ombudsman Conchita Carpio-Morales sa susunod na linggo.
Ginawa ng grupo ang pahayag isang araw matapos na ianunsyo ni Pangulong Rodrigo Duterte na mismong siya ang magsasampa ng kaso kina Morales at Chief Justice Maria Lourdes Sereno.
Ayon kay Atty. Manuelito Luna ng VACC Legal Group, tutukuyin sa kanilang isasampang kaso ang tatlong grounds ng impeachment laban kay Morales.
Ito ay ang betrayal of public trust, graft and corruption at culpable violation of the constitution.
Kabilang aniya dito ay ang paghahain ng Ombudsman ng mahinang kaso laban kay dating Pangulong Noynoy Aquino para maproteksyunan ito sa kaso kaugnay sa pagkamatay ng 44 na SAF o Special Action Force members.
Nanatili namang walang pahayag si Morales sa planong ito ng VACC.
—-