Ibinasura ni Manila auxiliary bishop Broderick Pabillo ang imbitasyon ni PNP chief Ronald ‘Bato’ Dela Rosa na sumama ang mga pari sa kanilang Tokhang operations.
Ayon kay Pabillo, ang naturang imbitasyon ay propaganda lamang ng PNP.
Naniniwala si Pabillo na ipagpapatuloy pa rin ng PNP ang mga pagbaril at pagpatay kung saan ang prisensya ng mga pari ang isasangkalan ng mga pulis para sabihing lehitimo ang kanilang mga operasyon.
Iginiit ni Pabillo na sa halip na imbitahan ang mga pari ay mas mainam na tuluyan nang itigil ng pambansang pulisya ang kanilang ‘Oplan Tokhang’.
By Ralph Obina