Isinailalim na sa 15 araw na modified enhanced community quarantine (MECQ) ang Iloilo City simula Setyembre 25 hanggang Oktubre 9.
Kinumpirma ito ni Presidential Spokesperson Harry Roque matapos aniyang aprubahan ng Inter-Agency Task Force for the Management of Emerging Infectious Diseases (IATF-EID) ang rekomendasyon ng lokal na pamahalaan ng Iloilo City.
Ayon kay Roque, pormal na inanunsyo ng IATF ang pagsasailalim sa MECQ ng Iloilo City sa pamamagitan ng ipinalabas nitong resolution number 74.
Una rito, sinabi ni Iloilo City Mayor Jerry Treñasna inirekomenda ng kanilang COVID-19 team ang pagdedeklara ng 15 araw na MECQ bunsod na rin ng mabilis na paglobo ng kaso ng COVID-19 sa kanilang lungsod.
Aniya, kanilang inilatag ang rekomendasyon sa pamamagitan ng Executive Order Number 149 na naglalaman ng mga protocols na ipatutupad sa ilalim ng MECQ sa Iloilo City.