Posibleng matambak at hindi makolekta ang mga basura sa ilang syudad sa Metro Manila.
Ito ay dahil nanganganib umanong maipasara ng DENR ang transfer station ng isang kumpanya ng waste management sa Pier 18.
Kasunod ito nang nakitang iregularidad sa kumpanyang naghahakot ng basura sa Maynila, Malabon at Navotas.
Ayon sa Environment Monitoring Unit ng DENR kitang kita ang anito’y walang pakundanang pagkabalahura ng tubig sa Pier 18 North Harbor na sanhi nang pagkalat ng basura sa mismong pampang ng Manila Bay mula sa transfer station ng Philippine Ecological Systems Corporation.
May mga reklamo na umanong natatanggap ang DENR hinggil sa transfer station ng kumpanya
Lumalabas sa initial findings ng isang inspection team ng DENR na may sablay ang kumpanya na subsidiary ng R2 Builders Group.
Nuong isang buwan o Agosto nakitaan nang paglabag sa ECC o Environmental Compliance Certificate ang Phil Eco Systems kayat ipinatawag na ito ng DENR para magpaliwanag.
Bukod sa Phil Eco Systems pinahaharap din ng DENR sa technical conference ang lahat ng munisipalidad at syudad na nagdadala ng basura sa transfer station tulad ng Maynila, Malabon, Navotas at Obando sa Bulacan.
Kung ipatitigil ng DENR ang operasyon ng Phil Eco may posibilidad na mag tambaka at hindi makolekta ang basura at kapag naipon ito at umulan magre resulta ito sa baha dahil mababarahan ang flood control pumps ng MMDA.
No comment pa ang Phil Eco dahil wala anitong natatanggap na kopya ng DENR findings.
Area of responsibility naman ng Manila City Hall ang Pier 18 transfer station.
Nakatakdang humarap sa DENR ang Phil Eco, LLDA, MMDA at mga kinatawan ng apat na syudad para ayusin ang sitwasyon.
SMW: RPE